Prutsen

Zaterdag, écht zo'n dag om efkes een betjen te 'prutsen'. Wat pruts jij op zaterdag?

Eén van de meest veur kommende hobby's van achterhoekers is 'prutsen'. Een 'betjen prutsen' in de schuure. Een betjen prutsen in de tuin, prutsen an de crossmotor, prutsen an de crossauto.

Op de middelbare landbouwschool vroeg de meister an ons wat de hobby's zoal waarn. 99% van de antwoorden was: "Ag... een betjen prutsen in de schuure". Dus et klopt...

De bromfiets van de 'kleine piraat' liep noa een betjen prutsen in de schure 120 km p/u. De tractor van Gerrit Esselink had noa een betjen prutsen in de schure 150 pk in plaats van de oorspronkelijke 65 pk. Noa een betjen prutswerk wast carbid vervangen deur gas en zuurstof, of werd er een vlammenwerper uutgevonden um redelijk veilig wespennesten uut te roeien.

Vrogger zaten wiej bes vaak biej mekare, um met mekare ergens in een olde schure te 'prutsen'. Der is van alles an mekare gebroajen, gesleppen, getimmerd, uutgevonden, afgebroaken en weer opgebouwd. God mag et wetten, hahaha. Wiej zun der neet dommer van geworden. Hier en doar een litteken, een halve poot of vinger der 'biejnoa' af. Alles hef een verhaal. Die verhalen wordt ook vaak verteld. Umdai et samen beleaven, met zien allen. Elk litteken hef zien eigen verhaal en met een borreltje der biej wordt de verhalen steed mooier.

Prutsen in de schure.... wat was et mooi. En nog steeds!!

Dus, onderschat et niet, de meeste prutsers bunt slimmer dai denkt. Pruts moar mooi vedan. Wie kriegt gebrek an prutsers.

Tekst: Jos Salemink